Ecosistema innovador
Xestión de servizos
O avanzado ecosistema innovador de Mutua Universal permite ofrecer servizos presenciais e dixitais totalmente personalizados e coas máximas garantías de seguridade para unha experiencia omnicanle adaptada ás necesidades de empresas asociadas, persoas traballadoras protexidas e entidades colaboradoras.
Certificación ENS
- A entidade dispón da certificación de conformidade co Esquema Nacional de Seguridade (ENS), recoñecemento oficial que garante o compromiso de Mutua Universal coa seguridade da información a través de servizos electrónicos.
Esta certificación asegura a máis rigorosa protección dos servizos prestados pola mutua a través de medios electrónicos, así como da información tratada por estes, co obxectivo de asegurar a confidencialidade, a integridade, a rastrexabilidade, a autenticidade e a dispoñibilidade dos datos, a información e os servizos apoiados directa ou indirectamente.
Plan de ciberseguridade
- A ciberseguridade é esencial para garantir o funcionamento dos servizos e protexer a información na organización. Contamos con medidas para previr, detectar e responder a incidentes. Ademais, a mutua dispón dun plan de continxencia que garante a continuidade da actividade e salvagarda a infraestrutura dixital e a información de empresas asociadas, da poboación protexida e das entidades colaboradoras.
Política de Seguridade da Información
- Mutua Universal dispón dun Sistema de Xestión de Seguridade da Información (SGSI) aliñado co Esquema Nacional de Seguridade (ENS), baseado na xestión de riscos e na mellora continua. Este sistema integra medidas organizativas e técnicas para garantir a confidencialidade, a integridade e a dispoñibilidade da información e dos servizos dixitais.
Tramitación dixital
No campo da xestión administrativa, a organización proporciónalles ás súas persoas mutualistas un sistema de tramitación dixital das prestacións económicas áxil, sinxelo e coas mesmas garantías de seguridade xurídica e tecnolóxica das que dispón a Administración pública.
- Dispoñible desde a Zona Privada Persoal e a Zona Privada Asesoría.
- Garante a identidade da persoa solicitante.
- Asegura a integridade e a autenticidade dos trámites.
- Permite consultar o estado dos trámites desde calquera dispositivo e en calquera momento.
- Conta coas mesmas garantías de seguridade xurídica e tecnolóxica que a Administración pública.
Hiperautomatización de procesos
Mutua Universal aplica internamente a automatización robótica de procesos, un software que automatiza tarefas para reducir cargas de traballo e optimizar os procesos repetitivos nos diferentes colectivos profesionais que conforman a organización.
Beneficios
- Maior fiabilidade.
- Redución de riscos.
- Menor tempo de xestión.
- Diminución da taxa de erros.
- Aumento da produtividade nos procesos.
- Estandarización e homoxeneización de procedementos.
Impacto positivo na eficiencia
Liña Universal
O servizo de teleasistencia e consulta 24 horas/365 días ao ano da entidade, atendido por un equipo médico, de enfermaría e de xestión, proporciona orientación médica oportuna, fornece información sobre a xestión asistencial e de prestacións e xestiona o traslado de pacientes ao centro sanitario máis axeitado para o seu tratamento.
Ademais, mediante esta vía tramítase o rescate e a repatriación de pacientes con ingreso hospitalario dentro e fóra do territorio nacional.
Zonas Privadas
Zona Privada Persoal
A Zona Privada Persoal é un servizo dixital, accesible desde o web ou a aplicación móbil de Mutua Universal, que facilita as xestións evitando desprazamentos e axilizando a comunicación.
Que podes facer a través da Zona Privada Persoal?
- Visitas de telemedicina.
- Visitas de psicoloxía.
- Trámites dixitais.
- Visualizar as imaxes radiolóxicas.
- Xestionar as túas citas programadas.
- Consultar e descargar informes e resultados.
- Acceder ás túas probas diagnósticas.
- Enviarlle eConsultas ao teu equipo asistencial (persoal médico, de enfermaría, de fisioterapia, de psicoloxía ou de traballo social) para resolveres dúbidas en relación coa pauta de medicación, os coidados prescritos ou complicacións na evolución.
- Visualizar e descargar o certificado de retencións.
- Tramitar telematicamente a solicitude da prestación de pagamento directo por incapacidade temporal 12/18 meses.
- Tramitar telematicamente a solicitude da prestación de pagamento directo por extinción de contrato.
- Solicitar telematicamente a prórroga da Prestación por Coidado de Menores (CUME).
- Consultar os pagamentos percibidos polas túas prestacións.
Descarga a aplicación móbil de Mutua Universal
A nova Zona Privada Asesoría pon ao alcance das asesorías colaboradoras aplicacións e recursos específicos para optimizar as xestións e os trámites, o que aforra tempo e mellora a eficacia.
Zona Privada Empresa
Desde a Zona Privada Empresa as empresas asociadas e persoas traballadoras autónomas poden acceder a unha ampla gama de ferramentas orientadas a simplificar as xestións e mellorar a eficacia dos trámites.
Que podes facer desde a Zona Privada Empresa?
- Seguimento actualizado dos procesos de baixa.
- Cumprimentar o volante de asistencia.
- Cubrir e tramitar partes de accidentes.
- Solicitar caixas de primeiros auxilios e xestionar pedidos.
- Acceder a toda a carteira.
- Descargar certificados e documentos de asociación.
- Visualizar e descargar o certificado de retencións.
- Obter información dos casos e a súa evolución, desde un ficheiro FIE (mensaxe INSS Empresa), decodificándoo desde os seus códigos aos literais correspondentes e cambiando o formato a Excel.
- Analizar indicadores de absentismo e sinistralidade.
- Obter información para reducir a sinistralidade.
- Recibir notificacións das persoas traballadoras da túa empresa.
- Tramitar telematicamente a solicitude da prestación de pagamento directo por incapacidade temporal de persoas traballadoras autónomas.
Nova Zona Privada Asesoría
A nova Zona Privada Asesoría pon ao alcance das asesorías colaboradoras aplicacións e recursos específicos para optimizar as xestións e os trámites, o que aforra tempo e mellora a eficacia.
Que podes facer a través da Zona Privada Asesoría?
- Visualizar indicadores en tempo real.
- Tramitar prestacións económicas telematicamente.
- Tramitar partes de accidente.
- Enviar volantes de asistencia.
- Acceder a toda a túa carteira de clientes e recibir avisos e notificacións.
- Descargar certificados (documentos de asociación, adhesión e retencións de IRPF).
- Solicitar caixas de primeiros auxilios e xestionar pedidos.
- Controlar as deducións.
- Seguimento actualizado dos procesos de baixa.
Zona Privada para Empresas Provedoras Sanitarias
A Zona Privada para Empresas Provedoras Sanitarias é a ferramenta de comunicación directa coas empresas provedoras de servizos sanitarios para a correcta xestión do día a día.
Que podes facer desde a Zona Privada para Empresas Provedoras Sanitarias?
- Comunicarte directamente con Mutua Universal.
- Visualizar e xestionar pedidos.
- Enviar informes e facturas.
- Acceder ao cadro de mando personalizado de resumo da actividade.
- Acceder aos datos de contacto.
Zona Privada INSS
O visor de Historia de Saúde Dixital das mutuas concédelle acceso telemático á historia clínica de pacientes da mutua ao colectivo de inspección médica do Instituto Nacional da Seguridade Social, co obxectivo de mellorar a xestión, o control e o seguimento das prestacións por incapacidade laboral, tanto temporal como permanente, para continxencias comúns e profesionais.