Innovación en saúde e servizos
Xestión eficiente e transformación dixital
Mutua Universal segue avanzando no seu proceso de transformación dixital, un ecosistema innovador que ofrece unha ampla gama de servizos en remoto que apodera as súas persoas mutualistas mellorando, personalizando e facendo máis eficiente a xestión e a experiencia de pacientes, empresas, persoas traballadoras protexidas, asesorías colaboradoras e empresas provedoras.
Hiperautomatización de procesos
Mutua Universal aplica internamente a tecnoloxía Robotic Process Automation (RPA), un software que automatiza tarefas para reducir cargas de traballo e optimizar procesos repetitivos nos diferentes colectivos profesionais que conforman a organización.
Beneficios
- Maior fiabilidade.
- Menor tempo de xestión.
- Diminución da taxa de erros.
- Redución de riscos.
- Aumento da produtividade nos procesos.
- Estandarización e homoxeneización de procedementos.
- Posta en valor do labor dos colectivos profesionais da entidade.
Impacto positivo na eficiencia
Nova ferramenta de relación con mutualistas
En 2024, Mutua Universal puxo en marcha un novo sistema de xestión e relación con mutualistas que optimiza os procesos operativos internos para mellorar e axilizar as xestións e o acceso á información, personalizando aínda máis a relación que mantén coas súas persoas mutualistas
Tramitación dixital
No campo da xestión administrativa, Mutua Universal proporciónalles ás súas persoas mutualistas un sistema de tramitación dixital das prestacións económicas áxil, sinxelo e coas mesmas garantías de seguridade xurídica e tecnolóxica de que dispón a Administración pública.
A tramitación dixital en Mutua Universal
- Garante a identidade da persoa solicitante.
- Asegura a integridade e a autenticidade dos trámites.
- Permite consultar o estado dos trámites desde calquera dispositivo e en calquera momento.
- Conta coas mesmas garantías de seguridade xurídica e tecnolóxica ca a Administración pública.
- Dispoñible desde a Zona Privada (aplicación móbil de Mutua Universal).
Zona Privada Empresa
Redeseño e novas funcionalidades
Desde a Zona Privada Profesional as empresas asociadas e persoas traballadoras autónomas poden acceder a unha ampla gama de ferramentas dixitais orientadas a simplificar as xestións e mellorar a eficacia dos trámites.
Que podes facer a través da Zona Privada Empresa?
- Seguimento actualizado dos procesos de baixa.
- Cumprimentar o volante de asistencia.
- Cubrir e tramitar partes de accidentes.
- Solicitar caixas de primeiros auxilios e xestionar pedidos.
- Acceder a toda a carteira.
- Descargar certificados e documentos de asociación.
- Obter información dos casos e a súa evolución, desde un ficheiro FIE (mensaxe INSS Empresa), decodificándoo desde os seus códigos aos literais correspondentes e cambiando o formato a Excel.
- Analizar indicadores de absentismo e sinistralidade.
- Obter información para reducir a sinistralidade.
- Recibir notificacións das persoas traballadoras que xestionas.
- Tramitar telematicamente a solicitude da prestación de pagamento directo por incapacidade temporal de persoas traballadoras autónomas.
Dáte de alta só con certificado dixital.
Dobre factor de autenticación para unha maior seguridade.
Zona Privada Asesoría
Mutua Universal puxo en funcionamento en 2024 unha nova zona privada exclusiva para asesorías. Cunha navegación máis áxil e sinxela e un deseño práctico e minimalista, a Zona Privada Asesoría pon ao alcance das asesorías colaboradoras aplicacións e recursos para optimizaren as xestións e trámites, o que aforra tempo e mellora a eficacia.
Que podes facer a través da Zona Privada Asesoría?
- Tramitar prestacións económicas telematicamente, como a solicitude da prestación de pagamento directo por incapacidade temporal de persoas traballadoras autónomas.
- Tramitar partes de accidente.
- Enviar volantes de asistencia.
- Acceder a toda a carteira de clientes.
- Descargar certificados (documentos de asociación, adhesión e retencións de IRPF).
- Solicitar caixas de primeiros auxilios e xestionar pedidos.
- Controlar as deducións.
- Seguimento actualizado dos procesos de baixa.
- Recibir avisos e notificacións de toda a carteira.
Dáte de alta só con certificado dixital.
Dobre factor de autenticación para unha maior seguridade.
Zona Privada Empresas Provedoras Sanitarias
A Zona Privada para Empresas Provedoras Sanitarias é a canle de comunicación directa con empresas provedoras de servizos sanitarios para a correcta xestión do día a día.
Que podes facer a través da Zona Privada Empresas Provedoras Sanitarias?
- Acceder aos teus datos de contacto.
- Visualizar e xestionar pedidos.
- Enviar informes e facturas.
- Acceder ao cadro de mando personalizado de resumo da túa actividade.
- Comunicarte directamente con Mutua Universal.
Plan de ciberseguridade
A ciberseguridade é unha prioridade fundamental en Mutua Universal. Por este motivo, a organización dispón dun completo plan de continxencia ante ciberataques que fortalece a seguridade dos sistemas informáticos, protexe a infraestrutura dixital e salvagarda a información confidencial de empresas asociadas, poboación protexida e entidades colaboradoras.
O Plan de ciberseguridade inclúe ademais medidas preventivas que aseguran a continuidade das actividades en caso de calquera dificultade informática.
Política de Seguridade da Información
Para garantir a protección dos datos das persoas traballadoras, mutualistas e empresas colaboradoras e provedoras, así como dos sistemas con que opera diariamente, Mutua Universal conta cunha Política de Seguridade da Información, aliñada co Esquema Nacional de Seguridade (ENS, Real Decreto 311/2022), que establece as medidas necesarias para protexer a información e os servizos dixitais nun medio seguro e confiable.