Xestión íntegra e eficiente

En Mutua Universal cremos na importancia estratéxica dos datos como base para achegar solucións e axudar na toma de decisións co obxectivo de mellorar os nosos servizos e optimizar a nosa eficiencia. Ademais, garantimos os máis altos niveis de seguridade e privacidade.

Como entidade orientada ao dato, contamos coas solucións tecnolóxicas máis innovadoras para analizar e interpretar datos no marco da nosa actividade, o que nos permite examinar a nosa actuación no pasado (analítica descritiva) e identificar padróns de comportamento cos que prever decisións futuras (analítica preditiva).

Aplicación da intelixencia artificial para mellorar o servizo a pacientes
Lince é un proxecto de analítica preditiva baseado en algoritmos de intelixencia artificial (IA) capaz de analizar millóns de datos dispoñibles nos rexistros históricos da entidade e identificar padróns. Isto permite que Mutua Universal deseñe modelos preditivos e implemente casos de uso que axilizan os procesos e anticipan diversos aspectos da asistencia. O obxectivo de todo isto é ofrecer unha atención máis eficaz e inmediata, ademais de potenciar a sostibilidade do sistema.

O proxecto Lince, que Mutua Universal iniciou en 2019, baséase na aprendizaxe automatizada ou machine learning e pon datos á disposición dos distintos colectivos da organización para optimizar e mellorar a xestión e a asistencia, ofrecendo así unha atención aínda máis personalizada.

Deseñar modelos preditivos e implantar casos de uso que axilizan procesos e anticipan diversos aspectos da asistencia. O obxectivo de todo isto é ofrecer unha atención máis eficaz e inmediata, ademais de potenciar a sostibilidade do sistema.

O proxecto Lince, que Mutua Universal iniciou no ano 2019, baséase na aprendizaxe automatizada ou machine learning e pon datos á disposición dos distintos colectivos da organización para optimizar e mellorar a xestión e a asistencia co obxectivo de ofrecer unha atención aínda máis personalizada.

Mellora do deseño e da usabilidades
Co obxectivo de seguir aplicando a última tecnoloxía para achegarnos ás nosas empresas mutualistas, poboación protexida e entidades colaboradoras a través de solucións innovadoras e personalizadas, Mutua Universal renovou a súa aplicación móbil.

Entre as súas melloras destacan un deseño máis personalizado, unha interface máis intuitiva e fácil de utilizar, e unha navegación máis sinxela.

Videoidentificación
A nova versión da Zona Privada de Mutua Universal dispón dunha interface máis atractiva e dunha navegación máis sinxela e intuitiva. Mellora así a experiencia das persoas usuarias desde o rexistro, que agora se realiza de forma totalmente en liña e segura mediante a videoidentificación, sen necesidade de acudir en persoa a un centro de Mutua Universal.

Telemedicina en mobilidade
A última actualización da Zona Privada Persoal vén acompañada de novas funcións relacionadas coa telemedicina, un dos eixes principais do modelo de asistencia sanitaria personalizada a canda a atención presencial nos nosos centros de traballo.

Deste xeito, estendemos o noso servizo de telemedicina a todo o colectivo de persoas traballadoras protexidas pola entidade, que poderán gozar das vantaxes da telemedicina independentemente do seu lugar de residencia.

Co obxectivo de ser máis eficientes na xestión, así como de apoderar a poboación protexida, Mutua Universal ofrece un servizo de tramitación electrónica integrado áxil, sinxelo e coas mesmas garantías de seguridade xurídica e tecnolóxica que ofrece a Administración pública.

Deste xeito, facilita as xestións coa entidade e as solicitudes de prestacións económicas.

O sistema de tramitación electrónica de Mutua Universal permite a recepción dun xustificante de presentación de solicitudes no caso da prestación de pagamento directo por incapacidade temporal para persoas traballadoras autónomas.

O xustificante dixital, dispoñible a través da Zona Privada Profesional de Mutua Universal, inclúe un selo electrónico que certifica a data e a hora exactas da presentación da solicitude. Isto achega seguridade e facilita unha proba da petición da solicitude, de tal xeito que se protexe a persoa solicitante e se garante a integridade e a autenticidade da documentación presentada.

A Zona Privada para empresas provedoras de servizos sanitarios de Mutua Universal exemplifica as vantaxes de centralizar todas as xestións nunha única plataforma. Este espazo permítelles ás empresas provedoras realizar todos os trámites relacionados con pedidos, informes e facturas.

A través desta Zona Privada é posible facer un seguimento dos pedidos ou recibir e anexar de xeito telemático toda a documentación necesaria para a súa tramitación, entre outras cousas. O espazo tamén permite consultar información sobre facturas e integra un cadro de mando personalizable con todos os datos relacionados coas xestións con Mutua Universal.

Co obxectivo de mellorar a experiencia nos centros asistenciais de Mutua Universal, a entidade puxo en marcha un servizo de quiosco dixital para orientar as e os pacientes que teñan programada unha visita médica ou de fisioterapia.

Con este sistema, que permite a xestión automatizada de quendas, os e as pacientes poderán rexistrar a súa visita de forma autónoma, obter un tícket co seu número de quenda e solicitar un xustificante de asistencia, entre outras cousas.

Co obxectivo de conseguir un sector máis eficiente e mellorar o desenvolvemento das competencias que temos legalmente encomendadas as mutuas colaboradoras coa Seguridade Social, Mutua Universal emprendeu un proxecto para estandarizar a integración dos servizos asistenciais realizados entre as mutuas mencionadas. A iniciativa inscríbese no marco do convenio de cooperación “Colaborando para ti” que asinamos con Fremap e Solimat.

Este sistema automatizado para o intercambio de información, que se realiza a través do protocolo técnico e sanitario de intercambio de datos FHIR/HL7, conta coas máximas garantías de seguridade.

Este é o primeiro paso cara á integración doutros servizos e procesos entre mutuas colaboradoras coa Seguridade Social.