Innovación aplicada á saúde

Conexión directa entre paciente e persoal sanitario a través dun dispositivo móbil, sen necesidade de desprazarse a un centro asistencial da entidade.

Permítelle á nosa poboación protexida acceder, desde calquera dos nosos centros de atención, ao colectivo de especialistas máis axeitado, que presta asistencia médica a distancia.

Conexión entre centros asistenciais de Mutua Universal e outros centros de saúde, ben cos Servizos de Vixilancia da Saúde das nosas empresas asociadas a través de Clínica En Liña Empresa, ben con hospitais intermutuais.

Para atender os casos de rehabilitación, os centros de Mutua Universal dispoñen dos equipos tecnolóxicos máis avanzados e de profesionais cunha ampla experiencia e formación, que contan co apoio de fisioterapeutas de referencia tanto presencialmente como en liña.

Ademais, a entidade dispón dunha plataforma para levar a cabo tratamentos de telerrehabilitación como ferramenta complementaria ás sesións presenciais de fisioterapia.

Este innovador servizo incorpora un sistema de intelixencia artificial que, a través da cámara do ordenador ou do teléfono móbil, é capaz de realizar sesións de telerrehabilitación en tempo real, corrixindo as posicións e os movementos incorrectos dos e das pacientes durante o seu proceso de recuperación desde a casa. Así mesmo, ofrece o seguimento da evolución por parte do persoal asistencial de Mutua Universal.

En 2023, Mutua Universal iniciou unha revisión e mellora para abordar a avaliación e o tratamento dos problemas de saúde mental co obxectivo de darlles resposta aos novos retos xurdidos a raíz do progresivo incremento destes problemas na poboación xeral e, en consecuencia, tamén na poboación traballadora, nos últimos anos. Este aumento foi especialmente importante desde a pandemia e prodúcese nun contexto social de percepción dunha maior incerteza con respecto ao futuro. Isto tradúcese na necesidade de integrar unha perspectiva sanitaria global onde a saúde mental sexa obxecto de atención ao mesmo nivel que a saúde física.

SERVIZO DE REALIDADE VIRTUAL APLICADO Á SAÚDE LABORAL

Trátase dunha tecnoloxía enfocada á avaliación psicolóxica para tratar os trastornos de estrés postraumático causados por accidentes laborais que poidan interferir no traballo diario e na calidade de vida das persoas traballadoras.

O uso da realidade virtual aplicada á saúde laboral no caso de patoloxías mentais mellora a eficacia da terapia, acelera o período de rehabilitación e reduce o da baixa laboral para conseguir unha normalización da actividade.

En Mutua Universal contamos cun equipo propio de psicoloxía e psiquiatría que, a través do noso sistema de telemedicina (Clínica En Liña), pode pasarlles consulta a traballadores e traballadoras en calquera dos nosos centros asistenciais.

Ademais, contamos cunha ampla rede de apoio con profesionais e centros externos de psiquiatría e psicoloxía.

Rúa de Arxiduc Lluís Salvador, 30
En xullo de 2023, Mutua Universal inaugurou un novo centro administrativo cunha superficie total de 280 m2. O novo centro está situado a escasos metros do centro asistencial, o que facilita as xestións entre ambas as instalacións.

Así mesmo, en 2023 iniciáronse as obras de adecuación de locais en Alacante, Badalona e Albacete para o traslado do centro asistencial e administrativo nesas localidades.

Mutua Universal reformou o seu centro de Sevilla para unificar toda a actividade asistencial, a excepción da fisioterapia. As obras melloraron de maneira notable a funcionalidade do centro e a súa operativa diaria.

Durante o ano 2023 realizouse unha adecuación das instalacións de Mutua Universal en Terrassa. Esta actuación permitiu o traslado das actividades do centro administrativo e de fisioterapia da entidade a unha nova instalación próxima ao actual centro asistencial da mesma localidade.

O Laboratorio de Ergonomía da entidade, situado no centro de Mutua Universal do polígono de Arazuri-Orcoyen (Navarra), ofrece un servizo de referencia e diferencial pioneiro en España. O seu traballo céntrase na prevención de lesións e baixas repetitivas de longa duración mediante a busca de solucións a problemas musculoesqueléticos que afectan ao ambiente laboral.

Na actualidade, o laboratorio está orientado á procura de oportunidades de mellora para reducir a accidentabilidade relacionada con sobreesforzos, posturas forzadas, manipulación manual de cargas ou movementos repetitivos.

Así, durante 2023, o Laboratorio de Ergonomía de Mutua Universal continuou traballando no estudo e deseño de boas prácticas nos sectores de maior risco ergonómico.

Benestar Universal é o programa de promoción da saúde e de hábitos saudables de Mutua Universal para xestionar, coñecer, valorar e mellorar a saúde e o benestar das persoas traballadoras, ademais da sostibilidade da organización.

O programa, que se adapta ás necesidades, características e obxectivos definidos en cada empresa asociada, integra asesoramento, actividades e materiais de sensibilización e divulgación, así como unha plataforma web que dá soporte á xestión da información e ao seguimento de indicadores de saúde.

A plataforma Benestar Universal ofrécelles apoio ás seguintes campañas de prevención e promoción da saúde de Mutua Universal:

Durante 2023, Mutua Universal continuou apostando polo seu campus virtual de prevención. Esta plataforma ofrece cursos de temáticas sectoriais e transversais sobre riscos e medidas de actuación para previr, eliminar ou controlar os riscos laborais que provocan accidentes, danos na saúde ou enfermidades profesionais.

En 2023, Mutua Universal recoñeceu o compromiso das súas empresas asociadas coa prevención e co coidado das súas persoas traballadoras a través dos diplomas “3 anos, 0 accidentes”, outorgados ás entidades que conseguiron manter unha sinistralidade cero nos últimos tres anos.